يؤكد الدكتور أحمد أبو النصر أستاذ الطب البديل والعلاج بالنباتات الطبية أن الشقيقة لها أسباب أهمها استخدام الموبايل لفترات طويلة.

ويضيف خلال منشور له على صفحته الرسمية على الفيس بوك أن أهم أعراضها ما يلي:

- صداع نصفي ومش فاهم من إيه.

- بتتاوب طول الوقت وعايز تنام برغبة مُلحة .

 -عايز تدخل الحمام كتير.

 نفسك رايحة للسكريات وخصوصاً الشوكولاتة.

-حاسس بدوخة وغثيان ومش قادر توقف.

- بتشوف بضبابية شديد.

-بيجيلك حساسية تجاه الصوت والضوء أصلا.

ويوضح أنه عندما تأتي هذه الأعراض او بعضها يلجأ المصاب للعلاج التقليدي للمسكنات وكل ما بتلحق نفسك بيها بتجيب نتيجة أسرع دي حقيقة بس مسكنات يعني قرحة معدة ودة أمر بديهي .. هتلحق نفسك بكافيين وأه فعلاً معاك حق الكافيين بيعمل مفعول بس لو ماشربتش يوم هتحس بأعراض إنسحاب وصداع أكبر ..

طيب كـ حاجات تعملها لنفسك جرب الدُش الساخن والبارد وشوف نفسك بترتاح بعد أنهي واحد فيهم .. بطل مخللات في الأيام اللي بتجيلك فيها الشقيقة .. أتنفس كويس ..

ومع ذلك خليك عارف إن صداع الشقيقة ممكن يستمر من حد أدنى ٣ ساعات متواصل لحد ٣ أيام مابيروحش .. ولو عودتُه على المسكنات والكافيين مش هتحوق فيه حاجة خلاص

الشقيقة علاجها الجذري بيتلخص في أكتر ٣ حاجات فعالة منهم الكوريداليس ودة بيعزز من كفاءة الجهاز العصبي كله ومُسكن طبيعي أمن جبار .. والكوهوش الأسود تسمع أسمه تفتكره تحضير عفاريت وهو فعلاً عفريت في علاج الأرق والتقلبات المزاجية العصبية .. وأشرب معاهم الروزماري كوباية كدة كل يوم مكان الشاي والقهوة عشان تغير دمك بس لو ضغطك عالي بلاش