كيف تقضي على الخشونة وآلام العظام في 7 خطوات؟

بقلم | محمد جمال حليم | الاربعاء 10 فبراير 2021 - 06:00 م

العظم ليست وظيفته الأساسية الحركة ودعم الجهاز الحركي فقط بل إنه مخزن للكالسيوم والمغنسيوم. أيضا الغضروف ليست وظيفته تسهيل الحركة بين العظمتين فقط بل إن له وظيفة أخرى فظيعة وهي أنه مخزن للكولاجين.

ما هو الكولاجين وما أهميته للعظام:
من جانبه، يبين الدكتور أحمد أبو النصر أستاذ الطب البديل والعلاج بالنباتات الطبية أن الكولاجين هو المكون الرئيسي للعظم والعضلات والغضاريف فقط نسبة الكولاجين لنسبة الكالسيوم هي التي تحدد مدى صلابة النسيج من الآخر كل ما نسبة الكالسيوم تزيد والكولاجين يكون النسيج الصلب زي العظم يكون الكالسيوم أكتر من الكولاجين والعضلات والأربطة الكولاجين يكون أكتر من الكالسيوم والغضروف أكثر وأكثر.

ويضيف في منشور له على صفحته الرسمية على الفيس بوك أن كلمة كولاجين مأخوذة من الكلمة الإغريقية كُله يعني صمغ، وهو ما يعني أن الكولاجين وظيفته الأساسية أن يعمل على التصاق الأنسجة ببعضها.

ويوضح إن تم هذا فإنه من المستحيل أبداً أن يحصل خشونة للفرد إلا ويحصل معه علامات العجز التي تدل على نقص الكولاجين مثل التجاعيد ويكون قلبك وشرايينك وكبدك بخير وجهازك الهضمي أيضًا .

كيف نزود الكولاجين؟

ويضيف أن هناك عدة وصفات طبيعية لزيادة الكولاجين الطبيعي في الجسم وبالتالي القضاء على أمراض العظام وأشهرها الخشونة وآلام الغضاريف وهي :

1- اول حاجة لازم اعملها هي نظام غذائي النظام ده اسمو ايه

هو يا سيدي الصوم المتقطع النظام دا بيعتمد علي ان احنا بنصوم 16 ساعه عن الاكل وباكل 8 ساعات له فوائد كتيره جداً زي تنظيم السكر والظغط وبيزود هرمون النمو

لو عملته 3 ايام ورا بعض بيزود هرمون النمو 300 % لو عملته 7 ايام ورا بعض بيزيد 1250 %

2- تاني حاجه هي شوربة الكوارع مش احنا قولنا كلمة كولاجين يعني لصق او صمغ وعشان كدا الكوارع بتلصق لانها فيها نسبة عالية من الكولاجين.

3-ثالث حاجه هي بياض البيض : - البيض دا بقي قصة وحدوتة بغض النظر عن محتواه لفيتامين "دال" لانة مهم جداً في بناء الركب لانه بيحتوي علي نسبة عالية من حمض اميني اسمة البرولين المهم جداً في تكوين الكولاجين كل بيض كتير اعصابك وركبك تبقي حديد

4- رابع حاجه بقي يا سيدي هي الموالح والجوافة والبرتقال والليمون فيهم نسبة عالية من فيتامين "سي" اللي الجسم بيستخدمة في انتاج الكولاجين بغض النظر عن استخدامتهم الاخري

الجوافة بقي منشور عنها دراسه مفصله بتاريخ 7 مارس 2017 في الهند ان هي تبني الركبتين

5-عنصر الكبريت لو انت عاوز تبني كولاجين وتمنع تكسيرة وموت الخلايا اللي بتكونه عليك وعلي الكبريت

الكبريت موجود بكثره في الثوم والثوم مش بس هيبني المفصل دا كمان هيطهرها

6-الحمض الاميني الجليسين والجولكوز امين والكولاجين

7-الجيلاتين البقري اللي موجود في الاسواق وبيتعمل منه الجيلي من الحاجات اللي اتعمل عليها دراسات انو بيساعد في انتاج الكولاجين طبقاً لدراسه اتنشرت في 4 يناير 2017 في استراليا ان 15 جرام من الجلاتين في اليوم بيساعد في تقوية الاربطة والعضلات والغضاريف بتاعت المفاصل .