بالفيديو.. رفيف قناوي: كيف يساعدك الصيام للوصول إلى النفس المطمئنة؟

بقلم | محمد جمال حليم | السبت 16 ابريل 2022 - 07:40 م

تبين رفيف قناوي مدربة إرشاد نفسى وأسرى ومهنى معتمدة أنه بداخلنا صراع بين حاجتين: حاجة أنا عايزة اعملها وحاجه بتقولى لا ماتعمليهاش.. زى مثلا : انا لسه واكله فارجع أقول انا عايزة اكل تانى.. فالاقى صوت جوايا بيقولى: لا خلاص انتى كلتى .. كفاية كده هتتعبى لا ماليش دعوة انا عايزة اكل تانى ، مش مهم بقه اتخن مش مشكلة طب انا عايزة اكل حلويات كتيربس ده مضر عليكى...لاانا هاكل حلويات.

وهكذا دايما صراع ما بين حاجتين..حاجه عايزة اعملها وممكن تكون هتضرنى وصوت داخلى كده بيقولى لا ماتعمليهاش عارفين بقه لما بنصوم الصراع ده بيخف خالص وممكن يختفى تماما!وتبقى نفسك مطمئنة ! الصيام بيساعد على كده

تعالوا نشوف ازاى

في نظريات الشخصية نظرية اسمها التحليل النفسى لعالم النفس الامريكى سيجموند فرويد قسم الشخصية ل3 حاجات:احنا نقدر نقول ان هو بيتكلم عن االنفس ده بنعتبره عضو من أعضاء الجسد..يعنى نقدر نقول الجهاز النفسى للإنسان بيتكون من 3 حاجات:

الهو ( (id
الانا (ego)
الانا الأعلى superego
*الهو : ده مسؤول عن اللذة والالم، الرغبات والاحتياجات ، مسؤول عن الغرائز
بنشوفه اكتر فى الأطفال...الطفل بيكون معندوش اى تحكم في نفسه
لو عايز ياكل دلوقتى هياكل دلوقتى
لو عايز يعيط هيعيط
عايز يصرخ وانت في الشارع هيصرخ
عايز يعمل حمام هيعمل..عشان كده الأطفال بنلبسهم بامبرز في السن ده فبالتالى هو معندوش اى تحكم في الرغبات والاحتياجات اللى عنده ربنا قال عليه في القران "النفس الامارة بالسوء"
*الانا: هي عبارة عن الواقع اللى انت عايش فيه، شخصيتك اللى انت عايش بيها
الجزء الواعى اللى موجود عندك..الجزء اللى انت تدركه عن نفسك وعن العالم اللى حوليك..
ربنا قال عليها في القران "النفس المطمئنة"..لان هي المفروض تعمل توازن ما بين الهو والانا الأعلى فبالتالى بتوصلك للنفس المطمئنة
بتعمل ده عن طريق حاجات كتير انها بتحاول تخفف الصراع بين الهو والانا الأعلى لحد ما تحقق توازن ..بتستخدم مثلا من ضمن الحاجات ميكانزمات الدفاع او الحيل الدفاعية عشان مايحصلكش ضغط نفسى او الم..ازاى؟..يعنى مثلا الانكار..حد عزيز مات وانت مش قادر تستوعب ده فهمنا الانا بتعمل حيلة دفاعية عشان انت لا تتوتر ولا تتعب نفسيا ويحصلك صدمة
فبتخليك تستخدم ميكانزم دفاع اسمه (الانكار)..فى البداية كده انت بتنكر..لا لا هو مماتش..لا لا مماتش اكيد انتوا بتضحكوا عليا...ده ميكانزم دفاع اسمه (الانكار).. الانا بتخليك تستخدمه عشان تحميك من الصدمة وفيه طبعا حيل دفاعية كتيرة هنقولها في الفيديوهات الللى جاية ان شاء الله.
فالانا بتعمل توازن بين الهو والانا الأعلى وهى عبارة عن الواقع اللى انت عايشه او شخصيتك اللى انت عايشها..الادراك بتاعك..العمليات العقلية والكلام ده كله
*الانا الأعلى : هو عبارة عن الضمير... الضمير و الاخلاق والمثل العليا..صوت الحكمة اللى جواك اللى بيقولك لا ماينفعش تاكل تانى دلوقتى ..لا الحكاية دى هتضرك..لا ماتعملش كده حرام..او يقولك اعمل كده ده حلال
فهو صوت الحكمة بداخلك هو المسؤول عن الضمير والأخلاق بيدربك على الاخلاق زى الرحمة، التسامح ،الصبر، الحاجات دى كلها ودى ربنا سبحانه وتعالى بيقول عليها "النفس اللوامة"
تعد تلومك: لا اللى انت عملته ده غلط..بتعزز ضميرك..لكن طبعا انت لازم ضرورى تكون متوازن عشان كده ده دور الانا...بيعمل توازن مابين النفس الامارة بالسوء والنفس اللوامة او الهو والانا الأعلى....ليه؟ لان لو الهو زاد عندك ومش قادر تسيطر على رغباتك هتتحول لشخصية منحرفة...او مجرم..اخطاء كثيرة جدا هتعملها وهتبعدك عن ربك وعن الناس
والانا الأعلى لما يزيد جدا ده يوصلك للجمود..تكون شخص جامد متصب جدا وممكن يوصلك لوسواس كمان وامراض نفسية
فالتوازن مطلوب ان هي تكون نفس مطمئنة وده دور الانا
الصيام بقه بيعمل ايه؟ الصيام طبعا فرض وعبادة وتقرب الى الله سبحانه وتعالى..احنا اكيد عارفين الفوائد الدينية في الموضوع ده..الصيام كمان مش بس امتناع عن الاكل والشرب فبيعمل صيانة لجسمك افضل..لا كمان هو بيخلى صحتك النفسية كويسة جدا..ليه لانه بيحققلك التوازن النفسى ده بيوصلك للنفس المطمئنة..ازاى؟
لان انت بتقلل رغباتك والغرائز اللى عندك تقدر تتحكم فيها مش هي اللى بتتحكم فيك فبالتالى بتعلى صوت الضمير عندك لحد ما توصل لتوازن بينهم فلما تتخلص من الصراع النفسى او الداخلى بين النفس الامارة بالسوء والنفس اللوامة ده بيخليك مرتاح نفسيا وتوصل للنفس المطمئنة
بتعمل تهذيب وتدريب للنفس على ان انت تتحكم في انفعالاتك و رغباتك...صوت الحكمة بيعلى عندك اكثر فبيحصل نمو ونضج لشخصيتك اكثر واكثر
فالصيام مش فايدة جسدية فقط لكن هو كمان له فوائد نفسية كبيره جدا
لما يعزز الانا الأعلى وصوت ضميرك فهو كده بيعزز المنظومة الأخلاقية بتاعتك زى الصبر والعدل والتسامح فبتتعلم انك تكون متسامح عفو حسن الظن بالله صبور..بيعززز الصبر عندك
ربنا قال انه هيدخل الصابرين الجنة بدون حساب ولا ميزان
يعنى الصيام مش بس صحة لجسمك لكن هو كمان صحة لنفسيتك.