حذر العديد من المراقبين من التهاون في الاجراءات الاحترازية للوقاية من فيروس كورونا وبعد القرارات الأخيرة بفتح الأنشطة وأماكن التجمعات الجماهيرية كالمساجد والكنائس والأندية والمقاهي في مصر يوم السبت القادم إن شاء الله.
وعلى صفحته بموقع التواصل الاجتماعي قال د. محمد علي يوسف : لازم ناخد بالنا مش شوية حاجات لأن بكدة المسؤولية من الآخر صارت فردية:
1- المرض ما انتهاش ولا قل ولا ضعف وقرارات الفتح هي مجرد امتداد للسياق العالمي وبسبب الظروف الاقتصادية كما هو واضح من الأعداد اليومية المعلنة ومش محتاج شرح.
2- . بناء على النقطة الأولى يبقى مفيش داعي لاعتبار يوم السبت الجاي "عيد نهاية الكورونا" وكدة ومافيش أي داعي للمبالغة في الانطلاق والخطط اللي بتتعمل دلوقتي للاستمتاع الكامل بالحياة والقهاوي والسينمات.
3- معنى إن المسؤولية صارت فردية يعني ببساطة انت المسؤول الأول الآن عن حماية نفسك وأهل بيتك خصوصا كبار السن منهم..يعني ما تتهاونش وتفرط وتقضيها خروج وعزومات وبعدين تعيط لما حد بتحبه يصاب وما تلاقيش سرير عناية ويبقى كل همك تشتم الأطباء الوحشين اللي ماعندهمش ضمير.
يعني اعقلها وتوكل على الله
4- طيب يعني إيه اعقلها؟
يعني ببساطة كل اللي اتقال قبل كدة من ضوابط الوقاية لسة مكمل معانا ومستمر حتى إشعار آخر
اقرأ أيضا:
قرية اشتهر أهلها بالبخل.. لن تتخيل ما فعلوه في المساجدوالإشعار الآخر ده ببساطة حاجة من اتنين:
أ- الوصول لتطعيم وإنتاجه وشرائه بترتيب الدول وده غالبا مش هيكون للأسف قبل السنة الجاية على قول أكثر المختصين تفاؤلا.
ب- الوصول لحاجة اسمها مناعة القطيع يعني 70 ل 80 ٪ من الشعب يصاب وده برضه على قول أكثر المختصين تفاؤلا محتاج من 6 شهور لسنة من دلوقتي.
وأضاف د. محمد علي يوسف: يبقى الضوابط الوقائية لسه معانا وأهمها الآتي::
*الكمامات والالتزام بضوابطها
* التباعد الاجتماعي من متر ونص لمترين
* الخروج للضرورة والبعد عن الأماكن المغلقة
* غسيل الأيدي وتطهيرها بانتظام 20 ثانية على الأقل
* في الجامع إن شاء الله سجادتك وكمامتك معاك دايما وتحاول تختار مسجد جيد التهوية وواسع وبلاش تكييف ومراوح
ومع كل هذا وقبله = تتوكل
تعلق قلبك بربنا
تدعوه وتتعوذ من البلاء وسائر الأسقام
أذكارك في الصباح والمساء وتضرعك زي ما هم بل تزودهم كمان.
اقرأ أيضا:
شاهد.. أمريكي يتسلق قمة جبل إيفرست في منزله!اقرأ أيضا:
" أصابع زينب وبول اللات".. أغرب الحكايات عن الحلوى والأطعمة